Video
Read full review
2020-10-24
53 views
味千拉麵真係充滿我既兒時回憶! 仲記得細個既時候香港係冇咁多日本餐廳, 拉麵店, 可以係當時同屋企人食碗味千拉麵已經係好享受好滿足! 隨住越泥越多日本過江龍拉麵進駐香港, 味千拉麵感覺慢慢沒落, 每次經過都冇諗住入去, 直到有一次見到佢完全翻新左, 成個設計都唔同哂, 終於再次令我踏入味千!入到去第一眼見到牆上有味千拉麵既一生發展, 原來1996年已經係香港開業, 望到更加感嘆時代既變化, 亦有種令人回味既感覺。日式手造餃子$30 餃子外皮微脆, 肉餡飽滿可口。金菇牛肉卷 $38金菇牛肉卷大卷有睇頭, 牛肉唔會韌, 佢既燒汁調味亦恰到好處好香甜, 點少少芥辣更惹味, 非常之夾!赤火戀 $62朋友點既拉麵, 溫泉蛋煮得剛好, 另有兩塊半肥瘦既豚肉, 脂肪位入口即化, 味道甘香, 估佢唔到。而湯底呈橙紅, 味道香濃有辣勁, 辣得黎又唔會蓋過哂本身豚骨湯既香味, 加上麵質彈牙, 朋友表示滿意!味千．赤沾汁麵 $65我自己叫左沾麵, 配料方面同朋友既差唔多一樣, 不同之處就係有脆口既荀片~ 赤沾汁同赤火戀一樣都係辣既湯底, 但係赤沾汁既質感更加濃厚, 令麵條掛汁度更高, 而辣度就較低, 但豚
入到去第一眼見到牆上有味千拉麵既一生發展, 原來1996年已經係香港開業, 望到更加感嘆時代既變化, 亦有種令人回味既感覺。
日式手造餃子$30
餃子外皮微脆, 肉餡飽滿可口。
金菇牛肉卷 $38
金菇牛肉卷大卷有睇頭, 牛肉唔會韌, 佢既燒汁調味亦恰到好處好香甜, 點少少芥辣更惹味, 非常之夾!
赤火戀 $62
朋友點既拉麵, 溫泉蛋煮得剛好, 另有兩塊半肥瘦既豚肉, 脂肪位入口即化, 味道甘香, 估佢唔到。而湯底呈橙紅, 味道香濃有辣勁, 辣得黎又唔會蓋過哂本身豚骨湯既香味, 加上麵質彈牙, 朋友表示滿意!
味千．赤沾汁麵 $65
我自己叫左沾麵, 配料方面同朋友既差唔多一樣, 不同之處就係有脆口既荀片~ 赤沾汁同赤火戀一樣都係辣既湯底, 但係赤沾汁既質感更加濃厚, 令麵條掛汁度更高, 而辣度就較低, 但豚骨湯既香氣就更加突出, 好味! 我自己就更中意沾汁麵
白桃乳酸梳打 $11
酸酸甜甜味道唔會OVER, 加上SODA好爽!
今次重遊味千拉麵, 發覺原來佢仲係好多人食, 而且依個價錢黎講可以食到有歷史既日本拉麵CP值已經好高, 始終佢能夠係香港生存咁耐一定有佢既原因! 其實食拉麵都仲有好多選擇, 唔係下下一定要食過百蚊既日本過江龍呀~
Post
