euro go go (Closed)

屯門分店搬遷後第一次來試，環境比以前舒適很多，空間亦寬敞很多，我仍然點了舊時最愛既幾款食物。焗蜜糖雞翼這款雞翼真係食幾多次都覺得好食，焗到皮脆肉滑，裡面好多肉汁，蜜糖味好重，保持到水準。半份千島海鮮pizza千島醬濃郁，好足料，海鮮配上新鮮既菠蘿，好夾和消除油膩感，pizza既餅乾底焗得好香脆，咬起來口感一流，值得一讚。肉醬薯蓉薯蓉也很不錯，醬汁好濃郁而足夠，剛剛好每啖薯蓉都沾滿醬汁，不會出現剩下薯蓉而沒有了醬汁的乾吃。鮮茄香腸煙肉磨菇意粉表層煙肉碎焗到輕微烤焦，賣相已好吸引，意粉份量都好足夠，用料十足，好多腸和磨菇，個醬好重番茄味，酸酸甜甜，好開胃。