Video
Read full review
2019-05-12
748 views
呢一間湯飯店過往都經過過好多次，因為每次通往大排檔愛文生的路上總會經過每次經過既時候都會諗有機會一定要黎試下..因為本身都好鍾意食湯飯今日咁岩去深水埗，梗係唔可以放過呢個機會啦下午兩點多到達，好像早過了吃飯時間，店內人不算太多，只有數位大叔剛選好座位打算坐下，店內的阿姐便已經叫我們先點三個餸，由於係第一次黎，都有少少比佢殺過措手不及餸是一盒盒擺放在點菜檯上讓你選擇的，你可以看到食材的新鮮程度，有點像在大陸點餸整麻辣燙一樣朋友點了蠔仔(需另加$3)、腐竹同魚腩，佢仲想點多一樣，問完再加一個餸要$8之後就放棄了，最後食完發現無再加餸都係岩既，因為佢湯飯既份量真係好足下而我點了雞柳，金菇，最後一樣實在係諗唔到揀咩，因為佢實在係太多選擇啦，對一個有選擇恐懼症既人黎講實在係痛苦於是我便請阿姐推介，阿姐都好友善介紹我食咸豬骨，佢話係屋企好難煲到呢D骨，而我又見店內好多大叔都食緊就點埋一份啦再之後佢問我o地要菜心定芥菜，我同朋友都叫o左菜芯點完之後佢分配o左兩個號碼牌比我o地等待不得不說佢D餸真心新鮮，尤其係菜芯好鮮甜金菇同菜既份量都好多，有種食到唔想再食既狀況咸豬骨係幾唔錯，佢唔係好多肉果種骨，但
每次經過既時候都會諗有機會一定要黎試下..因為本身都好鍾意食湯飯
今日咁岩去深水埗，梗係唔可以放過呢個機會啦
下午兩點多到達，好像早過了吃飯時間，店內人不算太多，只有數位大叔
剛選好座位打算坐下，店內的阿姐便已經叫我們先點三個餸，由於係第一次黎，都有少少比佢殺過措手不及
餸是一盒盒擺放在點菜檯上讓你選擇的，你可以看到食材的新鮮程度，有點像在大陸點餸整麻辣燙一樣
朋友點了蠔仔(需另加$3)、腐竹同魚腩，佢仲想點多一樣，問完再加一個餸要$8之後就放棄了，最後食完發現無再加餸都係岩既，因為佢湯飯既份量真係好足下
63 views
2 likes
0 comments
而我點了雞柳，金菇，最後一樣實在係諗唔到揀咩，因為佢實在係太多選擇啦，對一個有選擇恐懼症既人黎講實在係痛苦
於是我便請阿姐推介，阿姐都好友善介紹我食咸豬骨，佢話係屋企好難煲到呢D骨，而我又見店內好多大叔都食緊就點埋一份啦
再之後佢問我o地要菜心定芥菜，我同朋友都叫o左菜芯
點完之後佢分配o左兩個號碼牌比我o地等待
不得不說佢D餸真心新鮮，尤其係菜芯好鮮甜
金菇同菜既份量都好多，有種食到唔想再食既狀況
咸豬骨係幾唔錯，佢唔係好多肉果種骨，但有得咬下好過隱，不過其實我阿媽本身都會用呢D骨煲湯，所以成件事真係好有媽媽既味道，一碗仲有成四五舊豬骨
雞柳我覺得佢好似都有醃過，所以都好好味
朋友既蠔仔都就好鮮味
重點個湯係好似媽媽屋企滾既菜湯果陣味，真係幾唔錯，好有家既感覺
再加埋佢個豉油再自己加辣椒，岩哂我同朋友兩條咸蟲
店內有兩部電視播住新聞，大叔們同阿姐睇到激動時也會一起討論，大家都好熟悉咁..好親切既感覺
講真$37有咁足料份量而且有家既感覺既湯飯，真心係街坊價
絕對會再返黎試下今次唔記得食既粉腸同其他時令蔬菜
Post
