漫花燈火OMG (Closed)

上星期男朋友終於應承陪我去呢一間咁少女心嘅漫花燈火OMG🩷🩷，因為之前喺IG見到真係覺得好靚好想去🥹，叫咗佢好多次終於應承啦💕🩷FIKA🩷呢一個甜品真係超級靚，我差啲唔捨得食，男朋友真係服咗我，影完一大輪相之後先肯食🤣呢個甜品主要會有啲豆腐慕絲，另外加咗杏仁蛋白脆餅，同埋會有抹茶金寶紅豆蓉，最鍾意食抹茶紅豆嘅我就覺得好正，最邪惡嘅係仲會有啲啲自家製牛奶麻糬！🩷士多啤梨綠茶🩷男朋友話想飲啲清淡啲嘅嘢就叫做呢款士多啤梨綠茶，味道酸酸甜甜咁食完甜品飲返兩杯都幾啱！🩷油封法國鴨腿伴自家製芝士薯蓉及蜜糖紅菜頭🩷男朋友話佢唔可以淨係食甜品要叫返個主食，咁呢個法國鴨腿都幾吸引嘅，大大隻又夠厚肉！另外芝士薯蓉仲好香芝士味道，伴菜仲會有啲甜甜地嘅紅菜頭加咗啲蜜糖落去。🩷羅浮圓宇宙🩷呢一款係男朋友私心叫埋俾我食，本身頭先叫咗另一款已經好夠！但係佢知道我想叫埋呢款就話肯幫我手食🥰！好鍾意佢哋呢款嘅海棉蛋糕入面有啲柚子醬同埋柚子啫喱粒粒，因為柚子味都幾突出，所以呢款就冇頭先個款咁甜！