Twinkle Baker Decor (Closed)

我同男朋友係上水踩完單車到元朗，係形點行既時候經過呢間蛋糕店，覺得好靚。見到呢個新出既「順風順水順風車」好吸引，甘岩踩完肚餓，於是買左個黎獎勵下我地。「順風順水順風車」蛋糕3.5吋，蛋糕用左新年喜慶既紅色，插左支趣味既風車，用朱古力整架，所以食得架。外層係原味牛油忌廉，內裡係一層紅絲絨牛油蛋糕，一層紅桑莓吉士忌廉夾住啲朱古力脆珠。蛋糕味道甜而不膩，口感層次豐富，賣相吸睛，充滿新年喜慶感。臨近新年，好適合買個黎慶節食，送禮都仲得，大人細路定長輩都實中意。買蛋糕仲送左個風車俾我地玩。