Video
Read full review
2022-04-06
22 views
位於大埔嘅呢一間居酒屋，店內佈置好有日本地道感覺，橫樑上面掛滿日本風嘅招紙，感覺置身日本一樣🤩但萬萬估唔到呢間居酒屋嘅早餐係港式早餐，竟然仲可以做到好過好多茶餐廳嘅味道，值得一讚👍🏼講到早餐沙嗲牛肉麵絕對係早餐之選！呢個餐仲配搭咗烤多士及火腿炒蛋，色水方面已經比出面嘅茶餐廳好唔同，原來店舖嘅湯底係用咗日式豬骨湯，即使係港式早餐都混合左佢哋居酒屋嘅特色😆豬骨湯嘅味道同沙嗲味嘅味道好濃郁而且好夾！公仔麵更係煮得軟硬適中😋炒蛋蛋味重都幾厚身唔係薄薄一片，火腿煎過味道更香，多士烘得好香脆面頭仲有滿滿嘅牛油🧈好好食☺️另外仲叫咗個蕃茄肉碎通粉，同樣配搭多士炒蛋而呢款可以喺三款(豬柳漢堡、法蘭克福腸、韓式午餐肉)入面揀一款配搭，而我就揀咗法蘭克福腸，相信呢款同樣用咗豬骨湯做底，加上蕃茄嘅濃郁同肉碎嘅香味，整個通粉味道好出色👍🏼 必試必試！
位於大埔嘅呢一間居酒屋，店內佈置好有日本地道感覺，橫樑上面掛滿日本風嘅招紙，感覺置身日本一樣🤩但萬萬估唔到呢間居酒屋嘅早餐係港式早餐，竟然仲可以做到好過好多茶餐廳嘅味道，值得一讚👍🏼
講到早餐沙嗲牛肉麵絕對係早餐之選！呢個餐仲配搭咗烤多士及火腿炒蛋，色水方面已經比出面嘅茶餐廳好唔同，原來店舖嘅湯底係用咗日式豬骨湯，即使係港式早餐都混合左佢哋居酒屋嘅特色😆豬骨湯嘅味道同沙嗲味嘅味道好濃郁而且好夾！公仔麵更係煮得軟硬適中😋炒蛋蛋味重都幾厚身唔係薄薄一片，火腿煎過味道更香，多士烘得好香脆面頭仲有滿滿嘅牛油🧈好好食☺️
另外仲叫咗個蕃茄肉碎通粉，同樣配搭多士炒蛋而呢款可以喺三款(豬柳漢堡、法蘭克福腸、韓式午餐肉)入面揀一款配搭，而我就揀咗法蘭克福腸，相信呢款同樣用咗豬骨湯做底，加上蕃茄嘅濃郁同肉碎嘅香味，整個通粉味道好出色👍🏼 必試必試！
Post
