九町屋 (Moved) New Location

喺水星街街頭望落去，呢間餐廳啱啱喺轉角位，俾佢嘅裝修外型吸引，真係好有居酒屋小店味道。外邊有少量位置可以食煙，入邊嘅卡位設計私隱度都幾高。一點完食品即刻送上餐前前菜，水準都幾高，尤其有我最鍾意食嘅合桃。劍魚腩壽司，脂肪分布平均，睇落好似一嚿肥豬肉，食落去感受到脂肪嘅香氣同埋好鮮甜。油金魚壽司都幾厚切，大大件完全覆蓋壽司飯。海膽帶子壽司，帶子夠大size，配上新鮮海膽，性價比好高。板燒安格斯牛扒，好清楚睇到中間嘅牛肉仲係鮮嫩嘅粉紅色，時間掌握得好準確，牛肉味濃厚。吉列蠔係我另一至愛，炸得夠酥脆，外脆內軟，蠔味濃。軟殼蟹手卷，炸得酥脆齊整嘅軟殼蟹，賣相吸引。