Pancake 專門紗織 (Closed)

今日同朋友行街 咁啱經過呢間餐廳 之前朋友原來試過呢間！佢對呢度嘅嘢食讚不絕口 所以我哋就入去食🥰淨係入嚟睇到個環境已經覺得好舒服 除咗乾淨之外 門口個落地玻璃有一個裝飾 好似日本啲古廟咁😆好得意所以影低咗幾張相😆講下佢哋啲食物先 叫左個蕃茄牛肋條 因為係朋友高度推薦 佢話之前食過真係唔錯！咁既然佢試過質素應該唔差 因為我朋友都幾嘴刁😂蕃茄準既味道好濃郁 滿滿嘅蕃茄汁包住牛肋條 令到牛肋條非常入味 牛肋條好軟淋 大約有四至五舊 正方形咁好厚身但係一啲都唔鞋 估唔到同烏冬食都咁夾！呢度嘅烏冬非常爽口彈牙 應該係用咗稻庭烏冬 味道唔錯！果然冇介紹錯下次等我帶其他朋友過嚟試吓呢間😍呢啲好食嘅嘢應該要一傳十十傳百😋