CHI Tachinomi (屯門市廣場) (Closed)

屯門呢間chi tachinomi雖然較為偏僻，但店舖環境真係好有日本居酒屋嘅感覺，超級舒服啊！一入到去就見到左手邊有師傅喺客人面前烹調，舖頭細細間有兩層，俾人一種好溫馨小店嘅感覺，牆壁亦都掛滿左好有日本風味嘅圖畫。喺環境已經拎滿分嘅情況下，嘢食都好令人滿意。我同朋友叫咗鰻魚飯、兩份鮑魚、兩份玉子燒、炸蝦、秋葵、京蔥雞俾肉、燒棉花糖、燒菠蘿、清酒同威士忌。鍾意日本餐廳嘅其中一個原因就係每份食物都細細份，即是只係兩個人都可以使好多唔同嘅食物。每一份食物都好有水準，絕對冇中伏，而特別鍾意嘅就係佢嘅鮑魚，又香又有彈性，所以同朋友食完一份都覺得唔夠，要再嗌。而佢嘅玉子燒都相當唔錯，冇出面日式餐廳咁甜，但熱辣辣嘅玉子燒真係比凍食更好食呢！環境正，氣氛正，嘢食正，一定會再嚟呢間餐廳食！