Video
Read full review
2020-08-17
59 views
2020年8月12日 星期三今日又要周圍去睇吓附近有咩外賣好食，同老婆行行吓就行到去炮台山附近見到呢一間餐廳，位置唔算係大街，所以應該唔算太多人留意到，我哋去到嘅時候都冇乜人排隊餐廳主打係海南雞同燉湯，所以大部份菜式都係同雞肉有關嘅，價錢都好大眾化，仲可以自行決定加唔加大份量同加錢要小食最後我同老婆每人叫咗一個主食，加咗一碗湯同小食返屋企慢慢品嚐，價錢都不過係130幾蚊返到屋企打開嘅時候食物仲係暖嘅，我要嘅椰香海南雞飯仲散發出濃烈嘅雞油味，每一舊雞肉都完全冇骨，食落去好方便，而且配埋餐廳特製嘅酸辣醬，感覺更加滋味，轉眼之間已經食晒全部海南雞至於老婆就叫咗麻辣手撕雞冷麵，雞肉嘅份量都唔少，同冷麵差唔多，麵上面全部都係麻辣粉同醬料，撈完之後同雞肉一齊食老婆話越食越起勁，因為麻辣味真係好刺激，食到停唔到口最後仲有小食養生秋葵，用豉油調味，食落去幾爽脆，又夠清新，老婆話用嚟解辣一流
今日又要周圍去睇吓附近有咩外賣好食，同老婆行行吓就行到去炮台山附近見到呢一間餐廳，位置唔算係大街，所以應該唔算太多人留意到，我哋去到嘅時候都冇乜人排隊
餐廳主打係海南雞同燉湯，所以大部份菜式都係同雞肉有關嘅，價錢都好大眾化，仲可以自行決定加唔加大份量同加錢要小食
最後我同老婆每人叫咗一個主食，加咗一碗湯同小食返屋企慢慢品嚐，價錢都不過係130幾蚊
返到屋企打開嘅時候食物仲係暖嘅，我要嘅椰香海南雞飯仲散發出濃烈嘅雞油味，每一舊雞肉都完全冇骨，食落去好方便，而且配埋餐廳特製嘅酸辣醬，感覺更加滋味，轉眼之間已經食晒全部海南雞
至於老婆就叫咗麻辣手撕雞冷麵，雞肉嘅份量都唔少，同冷麵差唔多，麵上面全部都係麻辣粉同醬料，撈完之後同雞肉一齊食老婆話越食越起勁，因為麻辣味真係好刺激，食到停唔到口
最後仲有小食養生秋葵，用豉油調味，食落去幾爽脆，又夠清新，老婆話用嚟解辣一流
Post
