Video
Read full review
2012-09-10
2372 views
朋友壽宴終於排到期食啦!!! 今次搵咗西班牙菜... 原本打算去諾士佛臺食, 點知打去Book位時先知間餐廳已經變咗日本菜... 最後轉戰La Tasca!!!朋友由12點幾開始打電話打到3點幾都未有人聽... 我3:45pm心血來潮又試吓打去, 有人聽喎, 講咗幾句, D職員叫我講英文, 結果比我Book到位喎... 即刻Call番朋友先知佢早過我打咗去, 但係話Full咗囉... 呢單真係十大奇案一宗!!!查實我好驚自己聽錯咗, 好驚去到D職員同我講原來我係Book唔到位嘅囉... 好彩, 最後都真係有留枱比我地... 原來間餐廳得幾張枱o架咋, 好多人Walk-in都撲空...我地7點正去到, 正值Happy Hour (4-8PM), Sangria同Tapas都會平D...難得咁高興, 一於飲番杯先!!!Traditional Sangria Tinta (1 Liter Jar)--餐廳用紅酒加入自己嘅特制配方同埋新鮮蘋果炮製而成嘅西班牙國酒「血紅雞尾酒」, 大家都一致認為好飲!!! 滴酒不沾嘅我都忍唔住湊吓熱鬧飲咗一杯, 好彩第二日唔使去睇醫生啫... 唔知係咪酒精影響,
朋友由12點幾開始打電話打到3點幾都未有人聽... 我3:45pm心血來潮又試吓打去, 有人聽喎, 講咗幾句, D職員叫我講英文, 結果比我Book到位喎... 即刻Call番朋友先知佢早過我打咗去, 但係話Full咗囉... 呢單真係十大奇案一宗!!!
查實我好驚自己聽錯咗, 好驚去到D職員同我講原來我係Book唔到位嘅囉... 好彩, 最後都真係有留枱比我地... 原來間餐廳得幾張枱o架咋, 好多人Walk-in都撲空...
我地7點正去到, 正值Happy Hour (4-8PM), Sangria同Tapas都會平D...
難得咁高興, 一於飲番杯先!!!
Traditional Sangria Tinta (1 Liter Jar)--餐廳用紅酒加入自己嘅特制配方同埋新鮮蘋果炮製而成嘅西班牙國酒「血紅雞尾酒」, 大家都一致認為好飲!!! 滴酒不沾嘅我都忍唔住湊吓熱鬧飲咗一杯, 好彩第二日唔使去睇醫生啫... 唔知係咪酒精影響, 大家吹水都吹得特別放... 餐廳方面又播放超大聲嘅音樂, 咁我地幾大聲講o野同喪笑都唔驚嘈到隔離枱啦...遲咗20分鐘都未見人嘅朋友, Send Message話仲要遲多15分鐘先到... 佢嘅好友今日破格準時出席, 大叫肚餓, 唯有叫住D Tapas(西班牙小菜)比佢食住先啦...
我比較少食西班牙菜, 所以好多字都唔識, Order前都要查吓字典先... 好鬼大鄉里呀, 哈哈哈...
Serrano Ham and Melon--哈密瓜超甜呀!!! 不過D Ham一味得個鹹字, 冇咩肉香...
Potato and Chorizo Tortilla--煎蛋餅好好味呀!!! 整多幾舊o黎都食得落呀!!!
Serrano Ham w/ Crusty Tomato Bread--呢個Tapas都好味呀!!! 個包好脆, 加埋D蕃茄粒, 好清新呀!!!食完晒3個Tapas, 朋友都仲未見人, LaLa聲叫D職員收走晒D碟扮冇事發生過啦, 嘩咔咔咔...
食完一輪又再Order第2輪, 落完Order, 朋友終於都現身喇!!!
Mussels Vinaigrette--我覺得好好味喎!!! 大大隻青口上面鋪滿蕃茄粒洋蔥粒青椒粒, 配埋白醋醬汁, 好清新, 食落開胃又醒神!!! 不過鑽媽話青口冇咩青口味喎... 又真嘅...
Beef Nachos--呢個芝士玉米片好好味喎!!! 同平時食過果D唔同, 呢個玉米片暖暖地, 好脆口, 芝士都幾香, 食到唔停得口, 我比個"讚"佢!!!
Lamb Ragout--呢個蔬菜燉羊肉都好正, 雖然好細碟!!! 羊肉好淋, 一D都唔酥... 配埋熱辣辣脆Pop Pop嘅麵包, 正!!!
Paella (Spanish Fried Rice with Sea Food)--呢個西班牙海鮮炒飯就麻麻地啦... D飯唔夠濕, 乾硬咗D, 香料味亦不足, 偏淡... 蝦冇了走D黑蚊蚊嘅蝦腸, D蝦肉都唔彈牙...
Pata Crujiente (Crispy Pork Knuckle "Spanish Style" served with crust potato and white cabbage salad)--呢隻西班牙烤豬手真係最晚最差嘅一味, 肉質比美乾柴... 配菜薯蓉就幾好食, 好香牛油味... 嘩, D酸菜真係酸到打冷震, 不過聽朋友指示將酸菜同豬手一齊放入口, 又即刻冇咁難食喎真係...西班牙海鮮炒飯同烤豬手都好大碟, 服務員放低果陣都有少少比佢嘅Size嚇窒... 不過最後我地都食得晒喎... 真係食力"非凡", 哈哈哈... 埋單1200蚊實在超值!!!
餐廳入面嘅燈光極之昏暗, 加上門口2張枱不停煲煙, 我地又飲咗酒, D音樂又嘈到頭都爆, 所以一食飽咗個人就開始暈吓暈吓...
有朋友趕住走, 大家一食飽就要散水...
一步出餐廳, 寒風澟澟, 即時成個人醒晒!!! 同2位朋友散步去永安Shoppong... 行完一陣成個人舒服晒... 餐廳入面真係太焗啦...
行到永安都閂門, 我地仲落西鐵站飲o野繼續吹水, 吹到11點幾先散水, 好Crazy... 不過好Happy!!!
Post
