Veggie4love

Open Now

Now Closed

碰巧新年，餐廳只有新年餐單：🌿風山水起齊齊撈起 $148包括沙律生菜、烤素鴨絲、紅蘿蔔、紫椰菜絲、薄脆片、紫菜絲，攞個意頭兼做下撈起儀式。🌿恭喜發財 $168/例素魚柳：有驚喜，好味，味道同質感好似真魚柳，沾上沙律醬都好好食。脆皮花枝排：好食！外脆內軟，配埋泰式辣醬一流！素烤鴨：沾埋醬油有啲似北京填鴨。🌿六福臨門翡翠卷 $208翡翠卷包括杏鮑菇、海鮮菇、髮菜、白菜、榆耳。賣相好靚，食材新鮮，味道入味，口感豐富。🌿五穀豐收 $188材料包括紅米、紫米、白米、玉米、鹿茸菇、松茸、雞樅、藜麥。呢個飯味偏淡，又偏濕，口感一般。🌿山珍歡喜佛跳牆 $328好多種菇，好多配料！味道唔錯，撈飯一流。雖然環境係擺滿野，但唔會覺得焗促，營造左一個傾計氣氛出嚟，反而係坐低傾計好地方。