港原味 (Moved) New Location

大角咀一向都係充斥着隱世美食嘅集中地，食物有質素之餘仲價廉物美。今次我就去到一間充滿舊式香港情懷嘅茶餐廳。餐廳位於利奧坊地舖，餐廳外牆設計係落地玻璃所以喺外邊都可以一眼睇晒。餐廳大約可以坐多二十多人到，但座位分隔得好開，所以唔使同人迫食得好舒服。除此之外餐廳入邊仲有好多中文舊式香港成為嘅壁畫，例如以前嘅態度同埋魚市場。食物方面都係有啲我都係耳熟能詳嘅菜式，其中比較特別嘅係咖喱農夫包，同埋另一個叫做男人爽脆的浪漫。咖喱農夫包首先呢款菜式可以選擇咖喱豬、牛或者雞，然後將芝士同咖喱加入農夫包入邊一齊烤焗，今次我就選擇咗牛肉。咖喱帶點微辣，牛肉咖喱配合芝士令到成道菜味道非常濃郁，無論配合白飯定係原本嘅農夫包都係一流，而且其他地方叫呢個餸一定貴得多，所以十分推薦。男人爽脆的浪漫另外一個招牌菜就係大家都知道嘅男人的浪漫 - 豆腐火腩飯，至於點解中間會多咗爽脆係因為廚師將外皮拆開，然後炸到好似德國豬手嘅外皮咁鬆脆，將外皮同埋軟林林嘅豬腩肉一齊食口感滿分，絕對係一個全新嘅體驗！總括嚟講平民嘅價錢食得到咁特別嘅餸菜，鍾意試新野嘅朋友不妨一試。