甜水 (Closed)

自從疫情之後我都好少出去食嘢🍽，今日食完飯之後落街散步🚶🏻‍♂️，之後見到一間糖水店，飯後一甜品，當然要叫返個外賣糖水🍡🍧返屋企試吓啦。佢個包裝都幾特別🌟，好似成個招牌印咗係個盒上面咁，睇落都幾靚。佢招牌嘅設計好似令我諗起以前細個練字嘅時候，要跟着個九宮格去寫好一個字，好有童年回憶。咁我就買咗一個合桃糊，合桃糊好好味得來之餘仲可以潤腸預防便秘，啱晒咁鍾意食嘢我😋。呢個合桃糊好香，加入左片糖，帶有蔗香味，甜度適中👍🏻。