Video
Read full review
2015-08-23
692 views
身為抹茶控嘅我，但凡有抹茶產品必勇於嘗試，尤其係抹茶雪糕呢款日本最邪惡嘅組合。市面其實已經有N間舖以抹茶雪糕做主打，可見要突圍而出並唔容易。 一去到舖面就見到其門如市，由於所有產品即叫即做，令聚集嘅客人更多。小店位於嘉蘭圍並唔顯眼，而且處於馬路前，一有車經過就險象環生，不過無阻一眾FANS嘅熱情。森之樹林($38)雪糕做型已經非常搶眼!由小山園抹茶雪糕配年輪蛋糕，杯上有一朵大過個頭嘅「白雲」，即係鬆軟綿花糖，再加CANNBERRY味脆糖冚上杯面，好似一幅漫畫一樣。由店員手上接住，會回想起細個買雪糕嗰種喜悅！！抹茶雪糕，茶味濃郁，少甜有苦味，啱啱平衡番棉花糖嘅甜味，多食唔覺膩，年輪蛋糕少甜煙韌有咬口，比起傳統配年糕，又係新嘅體驗。店方提供選擇唔多，連飲品共10款產品，但如果每樣都咁高水準，FANS又點會介意呢？
身為抹茶控嘅我，但凡有抹茶產品必勇於嘗試，尤其係抹茶雪糕呢款日本最邪惡嘅組合。市面其實已經有N間舖以抹茶雪糕做主打，可見要突圍而出並唔容易。
一去到舖面就見到其門如市，由於所有產品即叫即做，令聚集嘅客人更多。小店位於嘉蘭圍並唔顯眼，而且處於馬路前，一有車經過就險象環生，不過無阻一眾FANS嘅熱情。
森之樹林($38)
雪糕做型已經非常搶眼!由小山園抹茶雪糕配年輪蛋糕，杯上有一朵大過個頭嘅「白雲」，即係鬆軟綿花糖，再加CANNBERRY味脆糖冚上杯面，好似一幅漫畫一樣。由店員手上接住，會回想起細個買雪糕嗰種喜悅！！
抹茶雪糕，茶味濃郁，少甜有苦味，啱啱平衡番棉花糖嘅甜味，多食唔覺膩，年輪蛋糕少甜煙韌有咬口，比起傳統配年糕，又係新嘅體驗。
店方提供選擇唔多，連飲品共10款產品，但如果每樣都咁高水準，FANS又點會介意呢？
Post
