Video
Read full review
2017-05-16
211 views
完成一星期繁忙工作後，星期五來到L'attitude 西環店食過飯。一早已知道呢間店係走少女夢幻風，西環店比尖沙咀分店更大，更多地方可以走動，食物選擇更多元化（有咸食）。果然，一入門口已經被大大個的公仔所吸引著，超打耳！店內仲有好多好多公仔陪食，完全係女生會喜歡的Cafe啦。室內的天花裝上幾個大浮雲，好夢幻又特別，還擺放了一隻比人還要高大的巨型店舖專屬熊公仔，皺眉的樣子真係好可愛，我都忍不住同佢影左好多相！我地拎住公仔影左好多好多相，燈光靚，加上侍應非常識做又細心，見我哋兩個拎住公仔自拍，就即刻行過嚟話幫我地揸機，未見野食心情已經非常好。卡邦尼溫泉蛋扁意粉夢幻版＄108夢幻版比普通版本貴＄10，分別就係醬汁入面加入了新鮮的紅菜頭汁，所以夢幻版係粉紅色的。配合水波蛋及三文魚子一齊食，口感更為黏身，三文魚子在口中爆破時，更添鮮味。整體上同一個普通卡邦尼沒大分別，細心吃會吃到多一份甜味而已。Rib Eye Steak ＄198呢個定價比較貴，但上到台覺得都抵食的！因為塊扒真係好大份，差不多男生的1隻半手掌的大小，肉質有咬口肉味都夠香濃，切開仲有一抹粉紅，留有適當的肉汁不會過熟，感覺都唔錯。加
室內的天花裝上幾個大浮雲，好夢幻又特別，還擺放了一隻比人還要高大的巨型店舖專屬熊公仔，皺眉的樣子真係好可愛，我都忍不住同佢影左好多相！
我地拎住公仔影左好多好多相，燈光靚，加上侍應非常識做又細心，見我哋兩個拎住公仔自拍，就即刻行過嚟話幫我地揸機，未見野食心情已經非常好。
卡邦尼溫泉蛋扁意粉夢幻版＄108
夢幻版比普通版本貴＄10，分別就係醬汁入面加入了新鮮的紅菜頭汁，所以夢幻版係粉紅色的。配合水波蛋及三文魚子一齊食，口感更為黏身，三文魚子在口中爆破時，更添鮮味。整體上同一個普通卡邦尼沒大分別，細心吃會吃到多一份甜味而已。
卡邦尼溫泉蛋扁意粉夢幻版
$108
15 views
0 likes
0 comments
Rib Eye Steak ＄198
呢個定價比較貴，但上到台覺得都抵食的！因為塊扒真係好大份，差不多男生的1隻半手掌的大小，肉質有咬口肉味都夠香濃，切開仲有一抹粉紅，留有適當的肉汁不會過熟，感覺都唔錯。加上輕烤過的蔬菜，感覺更平衡，食清碟呢！
Rib Eye Steak
$198
20 views
0 likes
0 comments
食完正餐，又係時候揀甜品，一早我已揀定好可愛的 Panda Attack $50
用棉花糖整到像雲一樣可愛又肥嘟嘟的面頰，眼耳鼻係用朱古力片砌出黎，肥o都o都就係有meet佢一下的衝動。
Panda Attack
$50
20 views
0 likes
0 comments
影完相，可以meet佢面珠仔啦。棉花糖比我出面食的少甜，不會溶得好快，甜絲絲的可以食得完（我之前o係出面食甜品，已經好多次食唔完d棉花糖，仲搞到隻手痴笠笠！）。食完棉花糖，下面係朱古力 x 牛奶 Swirl 的雪糕，朱古力好香好濃質感比較實淨，而牛奶味夠滑溜，兩者的溶化速度有點不同，中間仲有d 朱古力脆脆，增加口感。
Panda Attack
$50
22 views
0 likes
0 comments
整體來講有點貴，不過影左咁多相都抵，加上侍應好細心，知道食棉花糖會用手就一早準備好即用的濕紙巾，不用食完張羅，成餐飯都食得好開心，回憶都值返晒！
Post
