Video
Read full review
2021-12-27
469 views
今日同朋友黎到銅鑼灣哩間西班牙菜餐廳。餐廳設計行工業風，門口用霓虹光管佈置，大門非常搶眼，最近仲有聖誕裝飾，好有節日氣氛。而門口位置同入面既窗口位都放左唔少大大隻既熊啤啤，啱晒打卡📸️餐牌上面既選擇都幾多，今次我地就叫左以下食物share👇🏻🐙薄切慢煮八爪魚 $78八爪魚非常新鮮，質感彈牙爽身，上面既醬汁味道微酸，食落非常開胃。 🐟薄切炙燒吞拿魚腩 $98吞拿魚腩充滿炙燒香氣，完全無筋，肥美滿油脂，醬汁微辣惹味，好食推介👍🏻🐚檸汁白酒煮蜆 $98蜆肉肥美，鮮甜無沙，醬汁微酸，酒味容易入口，上面灑上大量洋蔥粒粒，食落去口感更豐富，好食推介👍🏻🦐巴塞隆拿式烤紅蝦 $98紅蝦都幾大隻，蝦殼非常易剝，而且職員會提供濕紙巾方便我地抹手，醬汁亦幾濃味。🥩黑安格斯肉眼牛扒配粉紅胡椒忌廉汁 $228牛扒份量好多，五成熟剛剛好，肉質超粉嫩，而且食落軟腍易咬，充滿肉汁同油脂香，牛味亦相當濃郁，忌廉汁味道濃厚，配有蘆筍同蕃茄仔，亦係好食推介👍🏻🍞甜品拼盤：水果茶凍糕、炸西班牙油條、肉桂多士 $108水果茶凍糕裏面有藍莓、士多啤梨同紅桑子，入口甜度適中，凍糕質感Q彈；西班牙油條炸得非常香脆，上面灑上砂糖同朱古力
餐牌上面既選擇都幾多，今次我地就叫左以下食物share👇🏻
🐙薄切慢煮八爪魚 $78
八爪魚非常新鮮，質感彈牙爽身，上面既醬汁味道微酸，食落非常開胃。
🐟薄切炙燒吞拿魚腩 $98
吞拿魚腩充滿炙燒香氣，完全無筋，肥美滿油脂，醬汁微辣惹味，好食推介👍🏻
🐚檸汁白酒煮蜆 $98
蜆肉肥美，鮮甜無沙，醬汁微酸，酒味容易入口，上面灑上大量洋蔥粒粒，食落去口感更豐富，好食推介👍🏻
🦐巴塞隆拿式烤紅蝦 $98
紅蝦都幾大隻，蝦殼非常易剝，而且職員會提供濕紙巾方便我地抹手，醬汁亦幾濃味。
🥩黑安格斯肉眼牛扒配粉紅胡椒忌廉汁 $228
牛扒份量好多，五成熟剛剛好，肉質超粉嫩，而且食落軟腍易咬，充滿肉汁同油脂香，牛味亦相當濃郁，忌廉汁味道濃厚，配有蘆筍同蕃茄仔，亦係好食推介👍🏻
🍞甜品拼盤：水果茶凍糕、炸西班牙油條、肉桂多士 $108
水果茶凍糕裏面有藍莓、士多啤梨同紅桑子，入口甜度適中，凍糕質感Q彈；西班牙油條炸得非常香脆，上面灑上砂糖同朱古力醬；肉桂多士外脆內裏濕潤，有淡淡玉桂香味。
🍹CUCUMBER & MINT REFRESHER $58
飲落去有淡淡的青瓜味，非常清新，正好可以中和油膩感。
🍸PINK PINEAPPLE COOLER $58
有香甜既菠蘿味，而且一啲都唔會酸，個人比較鍾意哩杯。
整體黎講，餐廳環境寬敞舒適，充滿節日氣氛，食物亦相當高質，絕對係約會既好選擇。
Post
