香港郵意 (Closed)

行開尖沙咀，想同閨蜜搵間cafe談心，佢就帶咗我黎香港郵意。餐廳好多post card精品手帳超精緻 以前灣仔果間我都去過。印象中佢個皇牌全日早餐好好食，今次又點番。皇牌全日早餐有:珍寶腸，炒滑蛋，煙肉，沙律菜，等等。煙三文魚火箭菜沙律:煙三文魚都幾大塊，有成4，5塊。唔會成碟先得果一塊仔三文魚捲成1朶爛鬼櫻花就當俾左，幾抵食。火箭菜份量都唔少。閨蜜點咗真·龍蝦肉 蕃茄醬意粉。真·龍蝦肉 蕃茄醬意粉個蕃茄醬汁好正，酸酸甜甜咁，開胃。意粉都好夠腍，唔會太韌，又有咬口。雖然見唔到龍蝦殼，但都食到唔食真龍蝦肉。餐廳自由自在，任坐無人趕無人催唔限時，唔洗擔心咁啱肚飽食得野少會俾人眼超超 。