ATUM Restaurant (Closed)

幾年前一家人來過Atum 慶祝生日，只因餐廳裝修充滿型格，充滿藝術感，正是我喜歡的類型。今次光顧卻因為周圍的餐廳都爆滿，即管再試下有沒有不同，因為聽聞這幾年不少食評都有部分負評。首先，我客觀從幾方面分析。服務態度方面，又不至於差，可能因為不是最繁忙的時，侍應的效率尚算幾快，亦不時幫我清潔枱面的垃圾。不過從性價比來看，每份食物的份量真的算好少。如果是很肚餓的成人來說，一個主菜未必夠食，但價錢卻不平。🐙燒八爪魚、墨汁脆片、培根馬鈴薯賣相一流，味道也不錯的，燒香的大大隻的八爪魚好彈牙，加上隨便味道好夾，另外培根馬鈴薯鹹鹹地都好好味。不過份量真係好細又冇飯同意粉，完全冇飽肚嘅感覺。鮑魚蟹膏醬燉飯 鮑魚煮的時間剛剛好唔會太硬，Risotto 亦夠綿同入味，味道都可以。牛奶雪糕、草莓朱古力脆片賣相💯但味道好普通，不值這個價錢，不過打卡是非常美觀的。