醉胡爐 (Moved) New Location

椰子雞鍋好多地方都食過，但今次呢個係最有視覺效果！雞窩拎上嚟之後，先落啲酒炒吓，之後再點火之後再加椰青水，再煮一陣！一碗好飲嘅雞湯就出現咗！飲啖湯、食件雞先開始打邊爐打邊爐梗係要食牛肉啦，大份嘅安格斯肥牛分量十足，牛肉香滑美味，都算幾抵食！西班牙豚肉係必食推介，味道突出；餐廳切得算係幾厚身，食起上嚟更加有質感！紫菜響鈴我哋都好鍾意，浸咗落湯之後吸晒湯嘅精華，好正一份得六件唔夠食炸支竹都係好味，又係可以吸到湯嘅味道！呢度有自家製嘅飲品，青檸梳打酸酸甜甜，幾開胃！臨走嘅時候見到師傅喺度切緊刺身 下次真係要試吓。