Video
Read full review
2021-04-23
699 views
工業風水泥牆設計、不鏽鋼摺枱、紅藍膠凳、路邊攤嘅開放式廚房，加上猛烈嘅陽光🌞；小妹覺得自己一秒穿越熱辣辣嘅越南街頭。。。呢間充滿越南街頭風情嘅小店，原來主理人跟胡志明市著名嘅「Lunch Lady」學師，將當地食譜帶到香港。為咗忠於 Lunch Lady，用嘅香料同調味都係黎自越南，而麵嘅湯底亦係自家慢煮而成。午餐set 配一個麵食🍜同小食，小妹揀咗 Bun Bo Hue 牛肉米線。湯底用牛骨、牛肉加燒過嘅薑、辣椒、乾葱頭同乾香草等等熬製，湯底算清而香。牛肉大大片選用🐄 澳洲牛臀位置，肉味濃質感嫩。牛丸爽口而牛味好濃，係令人想食多幾粒嘅牛丸；豬肉春卷條食落似紮肉，同濃湯一齊食都唔錯。米線加了香蕉花和通菜莖切成的幼絲，令整體口感更豐富。小妹好鍾意食越南春卷Cha Gio，呢款自家製嘅👍🏻！即炸上台，香脆辣口。餡料除咗豬肉仲加咗芋頭，令春卷多咗份濃香同芋泥沙沙嘅口感。跟餐得2條，有d唔夠喉🤣雖然幾好食，不過Set lunch黎講價錢偏貴🙈只可以間中食吓
呢間充滿越南街頭風情嘅小店，原來主理人跟胡志明市著名嘅「Lunch Lady」學師，將當地食譜帶到香港。為咗忠於 Lunch Lady，用嘅香料同調味都係黎自越南，而麵嘅湯底亦係自家慢煮而成。
Bun Bo Hue
34 views
0 likes
0 comments
小妹好鍾意食越南春卷Cha Gio，呢款自家製嘅👍🏻！即炸上台，香脆辣口。餡料除咗豬肉仲加咗芋頭，令春卷多咗份濃香同芋泥沙沙嘅口感。跟餐得2條，有d唔夠喉🤣
雖然幾好食，不過Set lunch黎講價錢偏貴🙈只可以間中食吓
Post
