Video
Read full review
2018-11-24
91 views
香港每年到秋天季節最舒服，今日陽光普照，秋高氣爽，我拿拿聲做完手頭上嘅嘢，下晝決定搵個好地方偷偷懶， 享受一下秋日陽光！ 終於我揀咗去 Go Inside Kitchen喺尖沙咀山林道新開張嘅姊妹店 Sowergift Kitchen 籽樂厨房!日頭嘅山林道, 另有一番景象, 寧靜休閒!籽樂廚房係11月初新開張，呢間餐廳周圍都有大玻璃窗，日頭嚟到好有陽光feel，擺枱唔迫夾，空間感強， 非常非常relax！睇睇餐牌先，午餐有成十款選擇 ，主菜有輕盈版嘅沙律餐， 中型版嘅意粉飯麵餐，到重量級嘅啖啖肉餐都有。 個午餐仲包括一份餐包，一個餐湯同埋一杯餐飲。今日嘅餐湯係粟米忌廉湯，好有心思呀，湯上面竟然拉埋花添!我揀咗D餐, 係黑松露帶子意大利飯! 先要讚讚個意大利飯，唔易煮㗎，識得掌握飯嘅軟硬係一門學問！如果純西式煮法，我哋一般食起嚟會覺似半生熟米，但如果煮得太淋，啲飯又會似粥！ 呢個大廚好功力呀，啲意大利飯外軟內QQ，有口!飯面舖咗幾粒煎得金黃香脆嘅大帶子， 質感爽軟，唔會又硬又實。大㕑用黑松露配帶子，味道好夾， 呢個飯有带子嘅鮮甜，黑松露嘅香氣濃郁，加埋creamy嘅意大飯，一流! 今
日頭嘅山林道, 另有一番景象, 寧靜休閒!
籽樂廚房係11月初新開張，呢間餐廳周圍都有大玻璃窗，日頭嚟到好有陽光feel，擺枱唔迫夾，空間感強， 非常非常relax！
睇睇餐牌先，午餐有成十款選擇 ，主菜有輕盈版嘅沙律餐， 中型版嘅意粉飯麵餐，到重量級嘅啖啖肉餐都有。 個午餐仲包括一份餐包，一個餐湯同埋一杯餐飲。
今日嘅餐湯係粟米忌廉湯，好有心思呀，湯上面竟然拉埋花添!
粟米忌廉湯
7 views
0 likes
0 comments
我揀咗D餐, 係黑松露帶子意大利飯! 先要讚讚個意大利飯，唔易煮㗎，識得掌握飯嘅軟硬係一門學問！如果純西式煮法，我哋一般食起嚟會覺似半生熟米，但如果煮得太淋，啲飯又會似粥！ 呢個大廚好功力呀，啲意大利飯外軟內QQ，有口!
黑松露帶子意大利飯
11 views
0 likes
0 comments
飯面舖咗幾粒煎得金黃香脆嘅大帶子， 質感爽軟，唔會又硬又實。大㕑用黑松露配帶子，味道好夾， 呢個飯有带子嘅鮮甜，黑松露嘅香氣濃郁，加埋creamy嘅意大飯，一流!
今日好心情，特別開胃，我見到芝士焗蠔只係每隻15蚊，我就豪一次，叫咗四隻！
法式芝士煙肉焗蠔
$60
6 views
0 likes
0 comments
隻蠔海水味好濃，肉質嫩滑， 加埋煙肉同法式芝士一齊焗，yummy yummy，冇令我失望！
hehe, 我仲叫埋甜品，加多12蚊咋，係雲石芝士餅，好彩唔肥膩又唔太甜， 冇咁有罪惡感!
雲石芝士餅
$12
9 views
0 likes
0 comments
食完嘢，我喺餐廳行咗個圈，呢度真係好闊落好開揚，餐廳尾有個大露台，可以行出去親親大自然， 好少餐廳有咁正嘅環境！今餐好滿意!
Post
