雲南風味 (Closed)

之前有日出site 做野, 去左觀唐個頭, 同同事去左一間小店食野,間野叫雲南風味.係瑞和街街市附近.坐底左睇睇餐牌, 十隻水餃都係廿蚊左右, 其他都唔貴, 幾抵食架之後個朋友竟然叫左枝啤酒=.=佢話叫送食送啤好食d之後我地第一呢就叫左虎皮椒炒舞茸菌,碟菜一黎就聞到好香, 我都係第一次試舞茸菌.食落幾好味, 好清新, 但又好香bor, 調味料又唔重手~之後第2樣呢我地就叫左麻辣雞翼, 18$4隻, 吸引之餘賣相又幾靚仔bor~佢呢, 將d肉同皮整晒上去, 方便食~炸得又香又脆, 又唔會話特別辣, 送啤酒喏晒~之後呢叫左個韭菜水餃,自家包的, 個韭菜味好濃, 肉汁又夠, 好食