Mee...lemongrass (Closed)

今晚又同另一伴到將軍澳晚飯，既然到了坑口，就到東港城搵好食處。其實東港城都有不少餐廳，但要等位的我想只有一兩間吧，其中一間便是這間Mee...Lemongrass。首先叫咗香脆蝦餅。呢份蝦餅超好味呀。本身想一啖咬落去，點知原來係啱啱炸起，差啲就辣親自己。大家點呢個記得要慢慢品嚐，因有成四隻，啲蝦膠打到夠彈牙，但又唔會冇蝦味再加以點埋個泰式甜酸醬，食過番尋味。再嚟招牌無骨海南雞套餐，冬瓜湯永遠配搭雞飯，無骨海南雞肉好嫩滑，連皮都食埋。再叫左個喇沙，味道不錯。辣度隨自己調教，因辣醬放在匙羹上面。如果唔想食辣嘅，可以無視辣醬。喇沙湯底味道非常之濃郁，麵有粗有幼混合在一起，材料亦非常新鮮。最後叫咗左個馬拉盞炒通菜，通菜係確實處理得幾唔錯，平時D通菜會被炒到黃哂，唔係個個人都受得到個質感，但今次用左蒜、辣椒、馬拉盞等去炒，令通菜不再是腐乳通菜。