Video
Read full review
2021-07-06
371 views
今日又同朋友嚟咗旺角覓食，呢間日本餐廳係T.O.P已經好耐，但係一直都未有機會試吓，如今日終於可以試咗，果然好出色，對得住個價錢！牛肉壽喜燒定食（$130已包加一）呢一款定食包兩個小菜、一碗麵豉湯、一碗白飯、一隻溫泉蛋同埋一鍋壽喜燒。首先講吓兩款小菜先，分別係涼拌牛蒡同埋炒雜菜。由於我係第一次食牛蒡，我覺得嗰種味道都幾特別，係介乎於藥材同埋蔬菜之間嘅味道，再加咗少少芝麻去調味，食落就覺得好似好健康咁，雖然唔難接受但係都唔會話特別想食。至於炒雜菜就係普通嘅蒜蓉炒雜菜，都係正正常常咁。跟住碗麵豉湯我覺得都幾好飲，雖然冇乜材料喺入邊，但勝在佢唔會太鹹，食完嘅天祿呢啲嘢之後好適合過嚟清理口腔嘅味道！我覺得最出色就係個溫泉蛋，因為個溫泉蛋真係一督就穿，黃色嘅蛋液同白飯一齊放入口真係天衣無縫💕再加埋壽喜燒個湯汁，完全係雙重享受！跟住個主角就係壽喜燒，個汁調得啱啱好，入面嘅食材都好入味，當中我最鍾意嘅就係話娃娃菜，甜甜地咁送飯一流！然後個牛肉雖然唔係和牛，但係都好好食！總括而言用餐體驗好滿意！
牛肉壽喜燒定食（$130已包加一）
呢一款定食包兩個小菜、一碗麵豉湯、一碗白飯、一隻溫泉蛋同埋一鍋壽喜燒。
首先講吓兩款小菜先，分別係涼拌牛蒡同埋炒雜菜。由於我係第一次食牛蒡，我覺得嗰種味道都幾特別，係介乎於藥材同埋蔬菜之間嘅味道，再加咗少少芝麻去調味，食落就覺得好似好健康咁，雖然唔難接受但係都唔會話特別想食。至於炒雜菜就係普通嘅蒜蓉炒雜菜，都係正正常常咁。
跟住碗麵豉湯我覺得都幾好飲，雖然冇乜材料喺入邊，但勝在佢唔會太鹹，食完嘅天祿呢啲嘢之後好適合過嚟清理口腔嘅味道！
我覺得最出色就係個溫泉蛋，因為個溫泉蛋真係一督就穿，黃色嘅蛋液同白飯一齊放入口真係天衣無縫💕再加埋壽喜燒個湯汁，完全係雙重享受！
跟住個主角就係壽喜燒，個汁調得啱啱好，入面嘅食材都好入味，當中我最鍾意嘅就係話娃娃菜，甜甜地咁送飯一流！然後個牛肉雖然唔係和牛，但係都好好食！
總括而言用餐體驗好滿意！
Post
