道鮨日本料理 (Closed)

點解話呢個omakase充滿驚喜呢？一來，男朋友暪住我book，話要比個surprise 我，黎到先發現係我最愛既日本料理；二來，本身對餐廳無特別既期望，但全晚既食物水準都相當高，實屬意料之外，此為第二個驚喜～前菜有三點，賣相全部相當精緻，例如個櫻花雕刻實在係靚到唔捨得食！三款前菜味道都不錯，若談及最愛，我會揀高野豆腐，起初以為係滑溜豆味濃嘅豆腐，但食起來既口感並非如此，濕潤並且非常入味。三款刺身當中，我最欣賞既係牡丹蝦，師傅取其蝦膏，又將蝦腳磨成幼末，配合埋甜度好高既蝦身三者同食，食起黎蝦味香濃無比，齒頰留香帶子口感上佳，味道十分鮮甜另一款比較欣賞既係赤身，從色澤可見其新鮮，味道亦較平時食到既濃郁！值得一提既係所有壽司既飯都握得不錯呢平目魚油香四溢，配上香蔥同辣蘿蔔蓉立即平衡不少。燒雞頸肉係一樣幾有趣既食材，或者係雞嘅頸部運動比較多，所以肉質相對結實同清爽，燒得剛好，簡單調味已經好好食，唔錯個蠔海水味比較重，蠔味反而比較淡，估計單食比較一般，但是師傅加上辣蘿蔔蓉、香蔥同埋酸汁啫喱之後味道變得好有層次！最後，最欣賞莫過於海膽同大拖羅壽司海膽軍艦嘅紫菜夠香脆，黎自北海道嘅海膽入口甘香，久