神戶屋日韓放題

Open Now

Now Closed

今日黎到可能係旺角最多放題既地方食飯，係樓下已經見到有好多人拉客，但係我地最終都係上左黎呢間食過幾次既神戶屋度食。食過再黎除左係因為質素好之外，亦都係因為選擇多，由日式魚生到鍋物熟食都有，而且一D韓式、港式食物都有得揀黎食。每次黎我都會先食幾轉魚生先，因為見佢魚生都會厚切，新鮮既魚生啖啖肉放入口就覺得好滿足，之後都會叫個火鍋，細細個牛肉鍋，唔會一食就飽，重可以留番D quota食其他野。炸物方面都唔錯，我多數都會揀食雞翼，除左係個人喜好之外都係因為佢炸得好香脆。最尾一定要留番個肚食雪糕，十幾款唔同既雪糕雪條任揀，真係唔食番幾條都對唔住自己。