平記咖啡冰室

Open Now

Now Closed

午餐肉炒蛋牛油厚多士，嫩滑炒蛋有生命，不是一味大火熟到成塊薄餅般，又老又起晒豆皮，諗起都毛管洞啊！用溫和慢火兜炒而成，香噴噴鬆軟棉滑附著蛋汁，搭上厚切餐肉躺在牛油厚多士之上，狠狠地擘盡嘴仔塞入去！味道渾然天成，毫不吝嗇地塗上大量牛油，牛油已完全溶化滲入多士之中，多士外香脆內軟塾，午餐肉鬆軟泛著濃郁咸香。百味交雜，質地多變，食得津津有味，無可挑剔。腩肉出前一丁配雜菌清雞湯，從未試過平記煮的出前一丁，比次機會您啦！沒有將出前一丁湯粉混入雜菌清湯？湯底異常淡，淡如水又吃不出雜菌味來。有雞髀菇、雲耳、啡菇，三種都爽口清甜菇味。，腩肉如來係五花腩，薄切咸豬肉，鬆化膠滑嚥韌有齊，好味喎！我仲幻想係炆牛腩或客家炆豬腩肉或糖醋或醬油炆，依個好野黎呀。出前一丁真係好難煮得唔好食，但居然要成碗放棄，真係入唔到口呀。部份快餐店會預先沖過水讓麵條放涼變腍，縮短烹煮時間。發脹麵條帶著水喉水味，外暖內凍，時光倒流溶到回復麵粉口感，非常可怕！頂左兩啖，都係要成碗放棄，太難食，不是食丁麵的地方！剛巧搭檯阿叔又係叫丁麵，見我成碗掉底唔食埋單，一臉茫然用疑惑的眼神目送我離開。