一哥私房菜 (Closed)

在FB見到新開的一哥私房菜，標榜先食鸡煲，再食海鮮蟹煲，收258另加一，見相片几吸引，所以約埋好友一行11人去試下，由於這店前身是雀會，所以裝修一般，可以有獨立房間同大堂散座可選擇，一坐低便先來兩碟泰式生虾刺身，辣汁調配味道一流，然後先來第一主打鸡煲，我地選了BB辣，味道好濃厚，若好辣者应該更惹味，我地前後食左3個，特别推介用鸡汁撈出前一丁食，回味無窮，跟住再來第二主打蟹煲，配海鮮盆有帶子，鲍魚，虾，象拔蚌，生蚝，花甲，脆肉鲩，班腩，鮮魷等，夠新鮮，份量為每人一件，另牛肩颈一碟，肥牛一碟，追加肥牛就要另外比錢，另外菇类，丸類，山根嚮铃等任食，饮品则汽水同菊花茶任饮，總结食物夠新鮮，追加配料亦來得很快，無漏单，服務亦算貼心，主动加汤，調教冷氣，老闆逐枱打招呼，我地由7:30食到11:30至埋单，返晒本！