16 Shell (Closed)

16 Shell已經係第二次幫趁，雖然有鋒味光環，但食物質素的確有水準，所以即使位置比較吊腳，開業幾年黎經歷左半年嘅社會運動依然可以屹立不倒。16 Shell係一間意大利餐廳，主打多款唔同口味嘅意粉同薄餅，不過都有提供前菜、湯、主菜同甜品。黑炭黑蒜蓉包($80)咪睇哩個黑炭包黑糸媽咁，佢可算係16 Shell其中一道招牌菜，差唔多每一枱都必點。黑炭包就咁已經聞倒好白蒜蓉味，食落有甜甜地蜜味，而且夠晒鬆軟，係好食嘅！香煎蟹餅($180)蟹餅一客有塊，每塊直徑大約有3吋，表而輕煎過，咬開裡面係一梳梳軟綿綿嘅蟹肉，非常足料。白酒焗鱸魚($220)哩個焗鱸魚唔單止有兩大塊鱸魚，錫紙包入面仲有大蝦、帶子、薯仔、西蘭花同車厘茄。鱸魚肉質結實帶少少彈口，因為加左檸檬，所以帶少少檸檬酸香味，幾開胃。帶子彈牙鮮美，大蝦夠大蝦，肉質結實爽彈。檸檬汁蟹肉意大利麵($190)意大利麵上面有超多蟹肉同蟹籽，撈勻黎食每一啖都會食倒蟹肉同蟹籽。意粉軟硬適中，因為用左檸檬汁黎煮，所以意大利麵唔會太濟。總結，無論前菜定主菜都保持水準，不過小店得一個侍應，如果人多嘅時候可能未必照顧得咁好。