興濱茶餐廳

Open Now

Now Closed

我都知食得茶餐廳都係想快靚正，但你要知道你一間茶餐廳，除左每日唔同既精選午餐，仲有常餐，特餐，焗飯，碟頭飯，炒麵炒河之類，我真係唔可以一坐低就即叫。姐姐係門口已經勁熱情咁叫我地入去坐，跟住一坐低就問食咩，講左睇下先，佢唔夠15秒又再問食咩，真係有點無奈，都未睇清楚是日午餐佢啲鬼畫符就要點餐，最後口快快咁UP左呢個頹既粟米玉粒飯 熱菜蜜 $45。佢呢度好抵食既原因之一係個餐跟左杯野飲之外，仲可以要埋湯，佢會問你要唔要，唔要佢就唔會倒出黎，今日唔太肚餓所以冇要到，但佢呢度啲湯係OK，唔似水咁稀而且即倒所以熱辣辣。粟米玉粒飯真係好頹，而且今日啲肉好UN，白飯又乾，好在都算多汁可以送下飯，其實都可以唔使加雜豆，破壞左個粟米玉粒飯。