SENSU (荃新天地) (Closed)

荃灣分店限定嘅免費升級沙律吧，確實係我今次第一次光臨嘅原因，香港好少地方有沙律吧可以食到咁多蔬菜吧🥬🥗，所以都係一個吸引之賣點👍🏻喺沙律吧嘅蔬菜、配料和dressings種類都各有幾款，而且都好新鮮乾淨，讚👍🏻主菜叫咗fish & chips, 反而就一般，因為係炸本身油份高嘅龍脷柳，所以食落好油膩… 薯條和魚的炸粉炸得太過火，喜歡食好脆的人應該唔會介意，不過我唔鍾意。自製tartare醬，港式口味吧。負責我坐嘅位置嘅一位男員工，略嫌不夠醒目，眼見客人枱面上已經有食完嘅剩碟，都唔會自動自覺收拾，可能係打算等到客人埋單嘅時候先一次過收啩，省時慳力。