富粥 (Closed)

由細到大都好鐘意食腸粉，由其係細細個屋企人帶我返廣州一啲粉麵檔食嘅腸粉，皮又滑又薄，每次一個人起碼食兩碟。有朋友試過呢間位於紅磡嘅粥品店，覺得唔錯，推介我去。呢度舖仔細細，但都算潔淨舒服，原來已經有三間分店喇。我哋叫咗三碟腸粉同豆漿，腸粉同我細個食嘅差唔多，都係皮皺皺，同酒樓飲茶食嘅完全唔同，好味。天氣太熱，無試到粥。腸粉有多達六十款。豬膶腸好味，豬膶爽口唔難。蝦腸，蝦肉都算大隻。雞蛋叉燒腸，可以食到兩種味都幾好。