石籬粉仔

Open Now

Now Closed

細個嘅時候，有時候屋企人都會買來一家人食，是一份回憶。招牌粉仔（大）+豆漿 $35自家製作嘅粉仔，口感像是粗身烏冬，比較冧身。湯很濃郁，可以話係 杰身，味道都濃嘅。粉仔面有香脆豬油渣、冬菇、蝦米同蔥花。大大碗入面，好多粉仔，餸嘅量都OK 啦，唔算多。脆香豬油渣，真係炸再脆入心。起湯入面浸左陣，食入口仲有d脆脆，不過因為係豬油渣，所以食幾舊後都係會覺得油膩。不過每枱都有辣同唔辣菜脯任你加。冧身嘅粉仔加爽口菜脯真係超好味呀。辣菜脯嘅真係幾辣，成碗粉仔會即時野味左，唔太食辣嘅朋友記得試下接唔接受到先好落多多入碗呀。豆漿係跟餐配埋，其實同佢嘅椰汁一樣都係店家在店自製嘅，豆味的確香濃，唔會好甜。聽講椰汁都好正，下次再試。粉仔翅 （大） $29如名所說，就係粉仔加左碗仔翅，相對全碗招牌粉仔，無咁杰身而且碗仔翅很足料，肉絲同木耳絲都好多，配埋粉仔都 幾夾。同樣加埋菜脯，口感再升級。