中環茶記 (Closed)

沙嗲牛肉菠蘿包呢個唔係茶餐全日都可以叫，菠蘿包本身都係熱辣辣同個面好脆，加埋港式沙嗲牛肉真係一絕，沙嗲牛肉既咸味同個包既甜味好夾，牛肉亦都整得好淋，必食推介之一！咖哩吉列豬扒配蔥油餅豬扒炸得好脆，咖哩係港式咖哩個種辣得嚟又好濃咖哩香，加埋蔥油餅入去一齊食超滿足！椒鹽鮮魷魷魚炸得香脆而又有濃郁魷魚味，加埋大量炸蒜同埋椒鹽調味，無論送飯定當小食都一流！菠蘿生炒骨份量好多，目測應該有15舊生炒骨，醬汁甜酸度適中而最重要係排骨炸得香脆，一口一舊好岩食！雙檸樂有咸檸同鮮檸，咸甜既感覺配合埋可樂好夾！凍奶茶係港式茶餐廳既味，濃郁茶底加香滑淡奶！