Video
Read full review
2024-07-01
45 views
波仔波仔一向喺香港人唔陌生嘅預製菜嘅品牌，喺兒時已經開始食佢哋，叮一叮就食得，最近喺荃灣開咗新嘅概念店，一店入面包羅萬有，種類亦好多，包括有叮叮飯、叮叮粉麵、糖水、點心、炸物同特飲等。呢間概念店算幾大，不過門口有一級，店員好樂意喺門口問我想食咩，佢就幫我執，打包外賣返屋企食，其他人都可以喺店入面叮完喺入面即刻食！1.咖哩牛腩飯$38（9.5/10）呢個咖哩牛腩飯份量都算多，牛腩肥瘦均勻，牛肉都有5舊，其他配料有4舊薯仔同4舊紅蘿蔔，咖哩汁好香濃，又唔會死辣，飯要讚一讚，飯唔係爛果隻，似珍珠米有趙口，叮完又唔會乾身好硬，好完美！2.乾炒牛河$32（8/10）呢個乾炒牛河有少少油同少少咸，牛肉片有7片同少少菜，份量都多！3.蓮藕肉餅蒸飯$29（9/10）呢個蓮藕肉餅蒸飯食到粒粒切碎嘅蓮藕，肉餅都算大塊，飯要讚一讚，飯唔係爛果隻，似珍珠米有趙口，叮完又唔會乾身好硬，好完美！4.UFO脆脆杯（有沙律+旋風薯角+日式香辣雞扒+香脆玉米雞塊）配水蜜桃柚子茉莉花茶$40（9/10）呢杯UFO脆脆杯上面有沙律、旋風薯角、日式香辣雞扒同香脆玉米雞塊，下面就係一杯水蜜桃柚子茉莉花茶，飲落飲到好多柚子肉，一
波仔一向喺香港人唔陌生嘅預製菜嘅品牌，喺兒時已經開始食佢哋，叮一叮就食得，最近喺荃灣開咗新嘅概念店，一店入面包羅萬有，種類亦好多，包括有叮叮飯、叮叮粉麵、糖水、點心、炸物同特飲等。
呢間概念店算幾大，不過門口有一級，店員好樂意喺門口問我想食咩，佢就幫我執，打包外賣返屋企食，其他人都可以喺店入面叮完喺入面即刻食！
1.咖哩牛腩飯$38（9.5/10）
呢個咖哩牛腩飯份量都算多，牛腩肥瘦均勻，牛肉都有5舊，其他配料有4舊薯仔同4舊紅蘿蔔，咖哩汁好香濃，又唔會死辣，飯要讚一讚，飯唔係爛果隻，似珍珠米有趙口，叮完又唔會乾身好硬，好完美！
2.乾炒牛河$32（8/10）
呢個乾炒牛河有少少油同少少咸，牛肉片有7片同少少菜，份量都多！
3.蓮藕肉餅蒸飯$29（9/10）
呢個蓮藕肉餅蒸飯食到粒粒切碎嘅蓮藕，肉餅都算大塊，飯要讚一讚，飯唔係爛果隻，似珍珠米有趙口，叮完又唔會乾身好硬，好完美！
4.UFO脆脆杯（有沙律+旋風薯角+日式香辣雞扒+香脆玉米雞塊）配水蜜桃柚子茉莉花茶$40（9/10）
呢杯UFO脆脆杯上面有沙律、旋風薯角、日式香辣雞扒同香脆玉米雞塊，下面就係一杯水蜜桃柚子茉莉花茶，飲落飲到好多柚子肉，一杯單叫都要$28，好抵食同飲！
5.珍珠雞（2隻）$15（9.5/10）
$15有兩隻珍珠雞真係好抵食，入面有雞肉、冬菇同少少咸蛋，叮完熱辣辣，好有茶樓水準！
6.魚籽豬肉燒賣$28（9.5/10）
呢個魚籽豬肉燒賣一共有6大粒燒賣，粒粒都好飽滿，食落滿口豬肉同好彈牙，真係好好食！
7.椰汁紫米露（大杯）$21（9.5/10）
呢個椰汁紫米露糖水真係好大杯，雪凍食只係略為少少甜，成杯糖水好濃稠，椰汁味唔會太濃，黑糯米都多，好好飲！
2人總共價錢$203
個人口味總評分：9.14/10
@eateast.hk
地址：荃灣兆和街2-4A號周氏大廈地下4-A號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#波仔 #荃灣好去處 #荃灣美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
