中央飯店

Open Now

Now Closed

中央飯店，係深水埗一帶長大，有咁上下年紀好多都識，係傳統既客家菜，十幾年無嚟，今日同屋企人嚟懷緬一番。呢度侍應全部伯伯，但都好nice, 有問必答，難得。炸大腸，金黃鬆脆，又唔會太多肥膏，高質素！咕嚕肉，粉唔算厚，亦唔太多肥膏，而且菠蘿青椒洋蔥配菜多。炒鮮奶，食落似炒蛋白，好食，唔蘇唔膩梅菜扣肉，客家菜表表者，梅菜香，送飯一流呢度招牌菜，荔芋鴨，好多芋蓉，鴨肉反而少，但炸皮多d鬆脆d會仲好，呢個有少少失望。三鮮炒骨髓，又係呢度名菜，keep到水準，所以配料都入晒味。黃金奶油蝦，未上到碟已好香，但因連蝦殼炸，食嗰時有d唔方便，但蝦都鮮甜，而且好大隻，抵食，好味最後推介，西米焗布甸，要訂，金黃焗面，裡面有西米吉士，仲有中間一層流心蓮蓉吉士，以為好甜，竟然唔係，所以大家都添食。注意，原來送糖水，綠豆沙都好粉好蓉，但連續兩個甜品，真係超標。咁耐無嚟，但今次食完，都覺得有下次，呢d食店，買少見少，有份老香港情懷。