黃枝記 (Closed)

cwb開左老字號黃枝記既分店 大慨10 年前食過中環總店 今次經過就試下佢個分點入面地方大， 燈火通明 大慨有10 張可以坐到4 個人既枱 裝修方面係比較靚既茶餐廳格局餐牌方面主要喺唔同類既麵 飯 小食等等 仲有lunch set但以我所知 麵係最出名 所以我就點左凍啡少甜 , 正常茶餐廳既咖啡 甘甘地 都算有咖啡味雲吞麵 同傳統雲吞麵一樣 麵喺上面 方便快d 哂d 麵再食雲吞 麵質幼 好香蛋味 全部麵係痴住一齊， 湯底好香大地魚味 正， 雲吞有小燕尾 皮薄夠滑 入面有兩粒新鮮蝦， 正！！另外點左個皮蛋酸薑， 皮蛋醃得好好 流心大慨佔7 成， 蛋白好滑晶瑩剔透， 再配以酸酸甜甜既酸薑！yummy黃枝記麵家令我食到兒時既雲吞麵味道希望呢種味道可以一路繼續落去！