龍鳳冰室 (Closed)

咁大個人叫個兒童餐食，初時也許怕尷尬，但望下四圍唔少麻甩佬姐姐仔都食緊。說老實，呢個兒童餐從那一個角度適合兒童呢？一大隻豉油雞髀、炒蛋、炸薯條再加杯黑牛，份量之大，正常小朋友點食得哂。而且多肉零菜，卡路里爆燈。雞髀都夠入味，炒蛋也夠滑夠水準。港式快餐式的薯我一向麻麻，唔夠香脆。不過，呢個兒童餐都係俾我們大人，去緬懷一下小時拿著隻雞髀大啖咬的喜悅。