Video
Read full review
2021-11-14
43 views
放假諗住同男朋友去歎個下午茶，不過未諗到要食咩~咁啱係ig見到「Cafe 52」新推出雙人田園下午茶套餐，望落幾吸引！立即就叫男朋友book位，一齊去嘗下鮮~ 「Cafe 52」有兩間分店，一間係葵涌，一間係元朗。我哋就揀咗去元朗分店，Cafe離朗屏地鐵站唔遠，出站行幾分鐘就到！ Cafe店面頗大，設有室內座同室外座，室外可以帶寵物一齊用餐！Cafe裝修都幾特別，好多花花草草做裝飾，同埋周圍都會見到一啲可愛兔仔嘅蹤影，真係少女心爆棚！ 🧡雙人甜蜜田園下午茶（$168）雙人田園下午茶有兩層，上層係煙三文魚牛油果Bagel，下層係一啲蛋糕類甜品！顏值方面簡直無得彈，打卡一流！但都有少少個人嘅建議想提出，就係Bagel本身個質感煙煙韌韌，將佢擺喺上層切起嚟唔係咁方便。另外就係個人覺得甜品有少少太甜，特別係個杏仁蛋白餅，雖然個玫瑰味好出但有啲甜過頭，唔係好接受到~ 🧡薄荷朱古力咖啡（跟餐$Free）較重薄荷朱古力味，咖啡味較淡！ 🧡綠茶鮮奶（跟餐$Free）正正常常，不過不失！ 🧡香辣蜜糖燒雞翼（$40）香辣蜜糖燒雞翼外形燒得好靚仔，望落好有食慾，不過味道上有少少淡！ 整體來講，環境幾好
「Cafe 52」有兩間分店，一間係葵涌，一間係元朗。我哋就揀咗去元朗分店，Cafe離朗屏地鐵站唔遠，出站行幾分鐘就到！
Cafe店面頗大，設有室內座同室外座，室外可以帶寵物一齊用餐！Cafe裝修都幾特別，好多花花草草做裝飾，同埋周圍都會見到一啲可愛兔仔嘅蹤影，真係少女心爆棚！
🧡雙人甜蜜田園下午茶（$168）
雙人田園下午茶有兩層，上層係煙三文魚牛油果Bagel，下層係一啲蛋糕類甜品！顏值方面簡直無得彈，打卡一流！但都有少少個人嘅建議想提出，就係Bagel本身個質感煙煙韌韌，將佢擺喺上層切起嚟唔係咁方便。另外就係個人覺得甜品有少少太甜，特別係個杏仁蛋白餅，雖然個玫瑰味好出但有啲甜過頭，唔係好接受到~
🧡薄荷朱古力咖啡（跟餐$Free）
較重薄荷朱古力味，咖啡味較淡！
🧡綠茶鮮奶（跟餐$Free）
正正常常，不過不失！
薄荷朱古力咖啡
2 views
0 likes
0 comments
🧡香辣蜜糖燒雞翼（$40）
香辣蜜糖燒雞翼外形燒得好靚仔，望落好有食慾，不過味道上有少少淡！
整體來講，環境幾好，好啱打卡！嘢食方面還有進步空間，不過見好多人都係嗌意粉，唔知係咪意粉先係餐廳嘅招牌，望落都好吸引，下次有機會再去試試~
Post
