瀛喜日本料理 (Closed)

來到瀛喜食放題簡直係要乜有乜 ,你想像唔到都會有 , 壽司、軍艦、刺身、串燒、天婦羅、一品料理、手卷、卷物、煮物、燒焗精選、小食沙律、甜品、飲品十三張紙，簡直係樣樣齊，任叫任食，時間好，地點好，仲可以分時段有優惠， 由百零蚊至二百零蚊都有 ，係邊到揾呀？！ 推介 一下炸榴槤波波先，榴槤味濃到不得了，我一咬開果陣味連坐隔離枱既人都聞到，即刻落多個order！ 而d天婦羅呢就真係好似去咗日本食咁，面果層粉好薄，一定唔會蓋過食物味道。 而刺身方面，唔使講，一定有三文魚、劍魚 、帶子、鮑魚、甜蝦、希靈魚等等， 你鍾意食嘅一定有 ， 而且每樣都好新鮮，色澤好靚！ 絕對要搵相機食先！壽司就要食花之戀、海鰻、火串燒方面，好愛佢點清酒雞腎串、燒汁雞肉同燒黑豬仔串，三個味都夠哂特別同嘢味！ 小食沙律我推介胡痳沙律、凍茄子、蟹籽沙律，味道清新，一份夠兩個人享用！ 食完咁多嘢實口渴啦！我哋叫飲品叫到一枱都係，確係暢快！瀛喜日本料理地址 元朗鳳翔路2-6號交通廣場地下8號舖