Rabbitland Cafe

Open Now

Now Closed

兔年就去咗間兔兔cafe玩下兔仔hea下。見到有間新開嘅喺元朗，但係已經一早full曬。咁就搵另一間，呢間就比較舊啲嘅喺銅鑼灣。地點非常方便，出咗地鐵站行唔駛五分鐘就到。佢樓下冇招牌，記得睇門牌號，樓下好多salon招牌。行上三樓，就見到。一推門入去有少少打個突，人好多，可能禮拜日嘅關係，但係地方好細，實用面積應該三至四百呎左右。兔仔係唔畀抱嘅，有啲擺喺籠入面，有啲就有圍欄圍住。總數大概有七至八隻左右。兔兔都好健康，好活潑。之後人少咗就有一兩隻兔放出嚟周圍走。但因為兔兔經常要便便，所以冇幾分鐘已經周圍都係便便。黎cafe係咁2都講下啲食物,其實我去到個環境感覺唔係太舒服,因為太焗太多人. 佢只係入場費68蚊就提供一支soft drink，1杯飼料，坐90min.佢都話有嘢食叫嘅，但係佢都講明畀你聽嗰啲嘢食佢都係喺樓下叫，都係d煎炸野。佢都歡迎你自己落去買，佢唔介意。其實如果有細路仔去玩下就好開心嘅，但係裝修太殘舊感覺麻麻地。