Video
Read full review
2016-12-19
568 views
打邊爐對於好多香港人嚟講已經無分春夏秋冬，但老老實實冬天打邊爐又真係最好feel！睇住個爐滾吓滾吓，再配埋你獨創嘅醬汁，食落口真係暖笠笠又口味！今次就嚟到唔訂位基本上唔駛指意有得食嘅好一鍋！難怪嘅，2小30分鐘任飲任食最貴都係$158一位（另加一），但計我A姐話，最緊要都係食物質素。呢度總共有10個湯底，每個湯底都好有特色：泰式冬陰功湯底、胡椒咸菜豬肚湯底、蒙古大草原黑草羊湯底、鯊魚骨猴頭菇湯底、金銀菜白豬肺湯底等，而2個人只可以揀一個雙拼湯底，姐係話要嚟5次先可以食哂呢度10個湯底啦！我哋今次就揀咗胡椒咸菜豬肚湯底拼鯊魚骨猴頭菇湯底，湯底夠哂香濃，絕對唔係淡戊戊嘅馬虎選擇。好喇，叫嘢食喇，除咗9款海鮮等係額外收費項目，其他任點任食接近有90個選擇，不過，我A姐最怕個啲呢，特叫係酒樓呀，個啲丸剔一下就俾你十幾粒，成個波波池咁，但個肥牛都係咁剔一下就俾兩塊，真係好過份囉！我A姐就即管睇吓你呢間好一鍋係未玩嘢先！M佬出名大食，叫咗廿幾樣嘢，但上台個吓都唔會話多到嚇死人，真係啱啱好俾夠兩人份量，亦當然唔會有幾十粒丸啦！真係試過邊隻好味，再主力encore！喺呢接近90個選擇裡面，肥牛都佔咗兩
今次就嚟到唔訂位基本上唔駛指意有得食嘅好一鍋！難怪嘅，2小30分鐘任飲任食最貴都係$158一位（另加一），但計我A姐話，最緊要都係食物質素。
呢度總共有10個湯底，每個湯底都好有特色：泰式冬陰功湯底、胡椒咸菜豬肚湯底、蒙古大草原黑草羊湯底、鯊魚骨猴頭菇湯底、金銀菜白豬肺湯底等，而2個人只可以揀一個雙拼湯底，姐係話要嚟5次先可以食哂呢度10個湯底啦！我哋今次就揀咗胡椒咸菜豬肚湯底拼鯊魚骨猴頭菇湯底，湯底夠哂香濃，絕對唔係淡戊戊嘅馬虎選擇。
鯊魚骨猴頭菇湯
41 views
0 likes
0 comments
好喇，叫嘢食喇，除咗9款海鮮等係額外收費項目，其他任點任食接近有90個選擇，不過，我A姐最怕個啲呢，特叫係酒樓呀，個啲丸剔一下就俾你十幾粒，成個波波池咁，但個肥牛都係咁剔一下就俾兩塊，真係好過份囉！我A姐就即管睇吓你呢間好一鍋係未玩嘢先！M佬出名大食，叫咗廿幾樣嘢，但上台個吓都唔會話多到嚇死人，真係啱啱好俾夠兩人份量，亦當然唔會有幾十粒丸啦！真係試過邊隻好味，再主力encore！
喺呢接近90個選擇裡面，肥牛都佔咗兩個：美國肥牛同手切肥牛。美國肥牛脂助比例較多，肉色雪白；而手切肥牛嘅肉質嫩口，較重肉味！如果唔係大食積，首推手切肥牛！
手切肥牛
44 views
0 likes
0 comments
除咗海鮮同肥牛，其他值得推介嘅當然唔少得近年香港人嘅至愛響鈴啦，黃金淥兩秒就啱啱好！至於墨魚滑亦係另一個必食推介，爽口彈牙不在話下，最重要係墨魚味極度濃郁！
墨魚滑
33 views
0 likes
0 comments
記住唔好食得太飽呀，一定要食埋乳酪先至叫做完美呀！
Post
