富泰燒烤樂園

Open Now

Now Closed

見天氣開始凍凍地，梗係想燒吓嘢食啦，因為朋友住喺附近嘅關係所以就提議到嚟呢度近近地燒嘢食。佢哋收費唔算貴，如果你提前預訂亦都可以有乳豬俾你食添，另外佢都會有啲網架可以租比你用，而佢哋本身就已經包左一個爐，每人一支燒烤叉，每人一隻碟，每人一支飲料同埋好窩心嘅有卷紙巾俾你添。一入到去就已經見到呢一個遊樂場，所以其實好啱大人帶小朋友過嚟玩一路燒嘢食一路玩開心時日過得好快。不過佢哋就有啲調味料就要俾錢嘅不過都唔算貴。方包對燒嘢食來講就梗係唔少得啦。佢哋呢一個區域就係俾你出去拎嘢食返嚟燒，都幾多嘢食款俾你揀範圍亦都好大。最值得推薦嘅就係佢哋啲肉食係會有獨立包裝，佢會幫你pack好一包有一至兩塊，入面亦都有腌料，唔怕唔入味之餘亦都好講衛生。啲肉食其實唔止咁少㗎，單單係雞翼已經有好多種口味俾你選擇，值得推薦。總括嚟講佢哋都算唔錯，因為食物款式好多，如果你係駕駛人士的話，佢哋亦都有得免費泊車，車位亦都唔算少，所以其實都算幾方便架。