南苑海鮮酒家

Open Now

Now Closed

是夜喺元朗收工，老闆興起萬歲，到就近嘅南苑海鮮酒家晚餐！羊腩肥瘦均勻炆得入味軟腍，配料吸收晒煲入面精粹食到我哋舔舔脷，準備過一個暖笠笠冬天芝士龍蝦伊麵，龍蝦特別滑脆細膩，龍蝦肉嫩滑彈牙又有豐富香甜嘅肉汁，龍蝦頭仲有少許甘香嘅膏；龍蝦肉都畀得唔少，冇敷衍～肉質爽口；雖然芝士醬汁好多，但都可以嚐到佢鮮甜味道！伊麵同芝士嘅份量都唔係講笑，非常邪惡！值得讚賞嘅係伊麵煮得啱啱好，仍然保持口感，唔軟爛，仲充滿咗彈性同口感，掛滿濃稠順滑嘅芝士汁帶點鹹香，份量足夠每條伊麵都裹上醬汁燒肉，油花豐富嘅燒腩仔肥瘦兼備，唔會太肥，亦唔會太乾柴，恰到好處；金黃酥脆嘅豬皮鹹香且唔油膩，肉質軟腍鮮味