Video
Read full review
2010-12-04
64 views
上個禮拜途經深水埗蛇王善而不入, 今次收工落到灣仔, 一定要食入冬第一次既蛇羹~本來最初只想點蛇羹配糯米飯, 不過貪心既我見到舖頭有味黃猄肋腩煲仔飯, 就決定一試~點左套飯A, 有蛇羹, 煲仔飯同龜苓湯蛇羹, 足料, 唔太稠, 有陣陣果皮味, 蛇王雖是雪藏貨, 但尚算可以; 再加上檸檬草同脆片, 不錯再黎係黃猄肋腩煲仔飯, 簡簡單單, 齋腩加飯同兩片冬菇, 不過黃猄肋腩絕不馬虎, 有適中既藥材味, 唔會蓋過腩肉應有既羶味黃猄肋腩感覺似牛腩, 不過較結實, 食落感覺似坑腩, 帶少少咬頭; 飯底都算乾身, 加上黃猄肋腩既肉味, 唔駛落豉油都好好味食完就上埋碗龜苓湯, 黑黑既, 似苦茶, 其實係一碗濃度適中既藥材湯, , 為食完性燥既煲仔飯調節一下三樣食物每食完一樣先上下一樣, 食物保證新鮮熱辣, 而且有主次有序, 這點絕對讚好
本來最初只想點蛇羹配糯米飯, 不過貪心既我見到舖頭有味黃猄肋腩煲仔飯, 就決定一試~
點左套飯A, 有蛇羹, 煲仔飯同龜苓湯
蛇羹, 足料, 唔太稠, 有陣陣果皮味, 蛇王雖是雪藏貨, 但尚算可以; 再加上檸檬草同脆片, 不錯
再黎係黃猄肋腩煲仔飯, 簡簡單單, 齋腩加飯同兩片冬菇, 不過黃猄肋腩絕不馬虎, 有適中既藥材味, 唔會蓋過腩肉應有既羶味
黃猄肋腩感覺似牛腩, 不過較結實, 食落感覺似坑腩, 帶少少咬頭; 飯底都算乾身, 加上黃猄肋腩既肉味, 唔駛落豉油都好好味
食完就上埋碗龜苓湯, 黑黑既, 似苦茶, 其實係一碗濃度適中既藥材湯, , 為食完性燥既煲仔飯調節一下
三樣食物每食完一樣先上下一樣, 食物保證新鮮熱辣, 而且有主次有序, 這點絕對讚好
Post
