Video
Read full review
2022-10-25
57 views
🌟餐廳：炯記餐室📍地址：荃灣沙咀道209號地舖💰價位：～$50 - $100⏰營業時間：星期一至日11:00–21:30📱電話：3704 7667識我既朋友仔都知我好鍾意食手撕雞，今日放假去左荃灣行街，一於去試下呢間主打手撕雞既餐廳。———————————————————🔹炯記2人套餐入到黎，好多野都好想食，好彩餐廳提供幾款套餐，可以一次過試哂所有招牌菜式。我地揀左炯記2人套餐，有齊是日靚湯、鹽焗手撕雞、冬菇醬皇豬手、鹽焗雞腎配麻辣雲耳、太子鵝油撈麵／白飯，仲有兩杯飲品。———————————————————🔹是日靚湯 (粟米南瓜紅蘿蔔煲豬骨)咁乾燥既天氣歎返碗靚湯滋潤下先，廚師用左大量豬骨及雞骨熬制湯底，再加入粟米、南瓜及紅蘿蔔，夠哂鮮甜，好有家的感覺。———————————————————🔹鹽焗手撕雞 雞肉好滑好嫩，重點係不油不膩，啖啖肉，仲加左大量芝麻粒，拌麵/飯都一流～上菜個時，雞肉多到成座山咁，好大碟，賣相超吸引！———————————————————🔹冬菇醬皇豬手平時食豬手最怕就係炆得唔夠淋！呢度既豬手炆得好腍又入哂味，入口鬆化即溶，伴碟仲有我最鍾意食既冬菇，加上甜甜地既醬
📍地址：荃灣沙咀道209號地舖
💰價位：～$50 - $100
⏰營業時間：星期一至日11:00–21:30
📱電話：3704 7667
識我既朋友仔都知我好鍾意食手撕雞，今日放假去左荃灣行街，一於去試下呢間主打手撕雞既餐廳。
———————————————————
🔹炯記2人套餐
入到黎，好多野都好想食，好彩餐廳提供幾款套餐，可以一次過試哂所有招牌菜式。
我地揀左炯記2人套餐，有齊是日靚湯、鹽焗手撕雞、冬菇醬皇豬手、鹽焗雞腎配麻辣雲耳、太子鵝油撈麵／白飯，仲有兩杯飲品。
———————————————————
🔹是日靚湯 (粟米南瓜紅蘿蔔煲豬骨)
咁乾燥既天氣歎返碗靚湯滋潤下先，廚師用左大量豬骨及雞骨熬制湯底，再加入粟米、南瓜及紅蘿蔔，夠哂鮮甜，好有家的感覺。
———————————————————
🔹鹽焗手撕雞
雞肉好滑好嫩，重點係不油不膩，啖啖肉，仲加左大量芝麻粒，拌麵/飯都一流～
上菜個時，雞肉多到成座山咁，好大碟，賣相超吸引！
———————————————————
🔹冬菇醬皇豬手
平時食豬手最怕就係炆得唔夠淋！呢度既豬手炆得好腍又入哂味，入口鬆化即溶，伴碟仲有我最鍾意食既冬菇，加上甜甜地既醬汁，又係送飯既好菜式～
———————————————————
🔹鹽焗雞腎配麻辣雲耳
餐廳好細心照顧哂食辣同唔食辣既朋友，可以揀鹽焗或者麻辣口味～雞腎好爽脆，灑上芝麻粒同麻油，香味濃郁；麻辣雲耳帶點酸辣，好惹味，令人開胃。
———————————————————
🔹太子鵝油撈麵
重點推介太子鵝油撈麵，一上枱已經聞到鵝油既香味，而且好有光澤，每一條麵都被鵝油包住，忍唔住成碗食哂!
———————————————————
😋味道：4/5
🏢環境：4/5
💁🏻♀️服務：4.5/5
💵價錢：4.5/5
🤟🏻性價比：4.5/5
———————————————————
👅整體小總結
呢間餐廳性價比超高，我地揀既2人套餐，＄200都唔使，超飽超抵食!
另外除左手撕雞，豬手等招牌菜式，餐廳仲有其他名物例如秘制醬皇腩叉、秘制煙燻燒鵝。
2人套餐兩個人SHARE都超飽，唔知要黎多幾次先可以歎盡所有招牌菜式😆
———————————————————
Post
