Video
Read full review
2019-10-26
423 views
尚八日式燒肉店 #旺角🐄 🐄 🐄 🐄 🐄 之前留意到原來旺角有間專食和牛燒肉放題餐廳，評價都唔錯，果然冇失望！1900-2130 $438/11700-1900 $3182200-0100 $398就咁睇個價錢唔算太平，但係的確物超所值。和牛分別有六個唔同嘅部位，最最最最最正嘅一定係牛三角，脂肪分布最多，入口即溶。其次就係牛前肩同外腿，而最難食就係胸腹。不過雖然話難食，只係相比起其他嗰幾款韌少少，油脂冇咁香，不過整體而言都係高質過平時普通嘅燒肉。Personal Ranking: 牛三角 -> 牛後腿->牛前肩->一口牛 ->牛冧->牛胸腹除此之外佢哋仲有普通牛嘅套餐1700-1900 $2181900-2130: $3182200-0100: $248當然如果你帶和牛套餐嘅話你都可以叫普通牛試吓。我哋當日都揀咗少少普通牛試一試，的確冇咗入口即溶嘅感覺，不過個人認為如果你唔係好嘴刁，要求唔算好高，普通牛其實都好食。除咗呢啲牛之外，佢仲有雞豬羊海鮮蔬菜等等，全部都唔錯！就連佢哋嘅燒甜薯都有加到一啲牛油香草作調味，番薯本身亦都非常綿滑香甜，我嗌咗起碼
🐄 🐄 🐄 🐄 🐄 之前留意到原來旺角有間專食和牛燒肉放題餐廳，評價都唔錯，果然冇失望！
1900-2130 $438/1
1700-1900 $318
2200-0100 $398
就咁睇個價錢唔算太平，但係的確物超所值。和牛分別有六個唔同嘅部位，最最最最最正嘅一定係牛三角，脂肪分布最多，入口即溶。其次就係牛前肩同外腿，而最難食就係胸腹。不過雖然話難食，只係相比起其他嗰幾款韌少少，油脂冇咁香，不過整體而言都係高質過平時普通嘅燒肉。
Personal Ranking: 牛三角 -> 牛後腿->牛前肩->一口牛 ->牛冧->牛胸腹
除此之外佢哋仲有普通牛嘅套餐
1700-1900 $218
1900-2130: $318
2200-0100: $248
當然如果你帶和牛套餐嘅話你都可以叫普通牛試吓。我哋當日都揀咗少少普通牛試一試，的確冇咗入口即溶嘅感覺，不過個人認為如果你唔係好嘴刁，要求唔算好高，普通牛其實都好食。
除咗呢啲牛之外，佢仲有雞豬羊海鮮蔬菜等等，全部都唔錯！就連佢哋嘅燒甜薯都有加到一啲牛油香草作調味，番薯本身亦都非常綿滑香甜，我嗌咗起碼10粒。另外佢哋仲有啲熟食，超推介佢哋嘅牛筋，完全會漿住個口！
如果就咁食燒肉唔夠喉嘅話，仲可以加$48配埋刺身壽司，不過當日我哋就冇再加到，但係一開始佢哋都送咗一碗刺身俾我哋食。
不過講真因為和牛嘅脂肪比例都幾高，所以都幾膩，女仔去到就未必食到咁多，但係唔食和牛又冇咁抵，所以建議如果對食物唔係好腌尖嘅話，就咁食普通牛嘅套餐已經好滿足！分分鐘仲抵食過食和牛。不過如果有多少少錢又或者係特別慶祝嘅日子，食和牛嘅享受絕對高好多。
味道:4.7/5
性價比: 4/5
Post
