牛元帥粉麵

Open Now

Now Closed

嚟到九龍城一定有好介紹！牛坑腩你食得多，但呢間打正旗號叫「牛元帥」嘅麵店，如果唔掂仲邊有「飛屎」！就喺正九龍寨城公園租單車店對面，細細間唔起眼！但係大大個招牌「牛元帥」你一定見到店內冇咩特別，都係一般雲吞麵舖咁，價錢都唔係重點之一！我哋叫咗一碗雲吞米，一碗坑腩河雲吞真係大大粒，仲要有成五粒咁多！菜心都冇馬夫，新鮮又大棵！招牌坑腩終於到！坑腩我食過無數，冇一千都幾百！就試試佢掂唔掂先一夾起佢軟啤啤...一睇就知好林！肥瘦層次平均，最正係有少少根！10分滿我會俾9分！真係食完可以再嚟嘅麵店！期待下次試埋佢嘅豬手同牛𦟌！