炙・宴 (The LOHAS康城) (Closed)

因為夜晚係康城的戲院睇蜘蛛俠，諗住開戲前去戲院隔離的元氣壽司食飽先去睇，點知實在太多人等，所以轉場去呢一間日本餐廳。餐廳主力做丼飯，所以和我朋友每人叫了一款丼飯，ABURI-EN豚肉丼和特選宮崎和牛飯，打算自製雙拼丼飯。我食的是ABURI-EN豚肉丼，賣相不俗，餐廳以北海道的豚丼加以改良，用上豬的肉眼部位，肉質鬆軟，好香，包裹着豚肉的燒汁稱用不同水果烹調，真係惹味，比出面的甜，但又不會死甜的那種。反而豚肉不是塊塊肉質柔軟，有一塊是韌的。朋友食的是特選宮崎和牛飯，份量和餐牌上的一樣，有7塊，和牛燒到剛剛好，真係入口即溶，和牛下的珍珠飯吸收了滿滿肉和油香味，好滿足。整體環境舒適，食物質數高，份量和餐牌所顯示的一樣，埋單兩人$272，唔算太平，但都可以一試。